सहकर्मी युरो नेपाल अनलाइनका सम्पादक केजिन राईलाई पितृ शोक परेको छ। उहाँका पिता पदम ध्वज राईको यही २७ जनवरीका दिन निधन भएको हो । विक्रम सम्बत १९९२ मा खोटाङको बाम्राङ सामातुङमा जन्मनु भएका पिता पदम ध्वज राई राजनीतिक कार्यकर्ता समेत हुनुहुन्थ्यो । उहाँले बाम्राङ गाविसमा लगातार २५ वर्षसम्म प्रधानपञ्च रहनु भएको थियो भने जिबिसको क्षेत्रीय सदस्य समेत रहेर क्षेत्रपालको काम गर्नु भएको थियो । स्व.राईको पार्थिव शरीर अन्तिम संस्कारका लागि हेलिकोप्टरमार्फत शनिबार नै जन्मथलो खोटाङ लगिएको छ। पार्थिव शरीर खोटाङ लैजानुअघि शनिबार राजधानीको महाराजगञ्जस्थित शिक्षण अस्पतालमा आयोजित श्रद्धाञ्जली सभामा पूर्व प्रधानमन्त्री सुर्यबहादुर थापा, नेपाली कांग्रेसका उपसभापति प्रकाशमान सिंह,पूर्वमन्त्रीहरू बल बहादुर केसी,शर्वधन राई,सभासद अर्जुन राईलगायतले स्व. राईप्रति अन्तिम श्रद्धाञ्जली अर्पण गरेका थिए । सहकर्मी एवं प्रीय मित्रहरु केजिन राई र ज्ञानिन राईमा परेको पितृ शोकको यस घडीमा गहिरो समवेदना प्रकट गर्दै स्व.राईप्रति हार्दिक श्रद्धाञ्जली अर्पण गर्दछौ । नेपाल दुबई,नेपाल जापान,नेपाली साहित्यघर,समुद्रपारी,नेपाल पोर्चुगल,फ्रीनेपाल,खोटाङ,नेपाली पोष्ट डट कम लगायतका प्रकाशन सस्थाहरू।