ईयू समाचार प्रतिनिधि
काठमांडू जनवरी १३ ।

सरकारले विगतमा मधेसवादी दलसँग गरेको सम्झौता कार्यान्वयन नगरेको भन्दै फोरमले माघ २ गतेदेखि प्रारम्भिक चरणको आन्दोलन थाल्ने यसअघि नै निर्णय गरिसकेको छ ।
मधेसी जनअधिकार फोरमको बीरगन्जमा मंगलबार साँझ सम्पन्न केन्द्रीय कार्यसमितिको बिस्तारित बैठकले पार्टी अध्यक्ष उपेन्द्र यादवको अध्यक्षतामा नौं सदस्यीय मधेश आन्दोलन परिचालन समिति गठन गरेको छ ।

आसन्न मधेश आन्दोलनमा केन्द्रीत रहेको उक्त बैठकमा मुलुकको बर्तमान राजनीतिक परीस्थिति, अन्तर्राष्ट्रिय बिषयबस्तु, पार्टीले खेल्नुपर्ने भूमिका, मधेश आन्दोलनको स्वरुपबारे कार्यकर्तालाई प्रशिक्षण दिइएको पार्टी अध्यक्ष उपेन्द्र यादबले बताएका छन् ।
बैठकमा पार्टी केन्द्रीय कार्यसमिति सदस्यहरु, जिल्ला कार्यसमितिहरुका अध्यक्ष तथा सचिवहरु, भातृ तथा बर्गीय संगठनहरुका अध्यक्ष सहभागी थिए । बीरगन्जस्थित महावीर धर्मशालामा बैठक भएको थियो । त्यसैगरी बुधबार यहाँस्थित सम्झना होटलमा पार्टीको युवा संगठन मधेशी युवा फोरमको केन्द्रीय बैठक सम्पन्न भएको छ । बैठकमा उपस्थित भएका फोरम केन्द्रीय अध्यक्ष यादवले युवाहरुलाई आसन्न मधेश आन्दोलन लगायतका बिषयबस्तुमा निर्देशन दिएको युवा फोरमका केन्द्रीय महासचिव फिरोज मंसुरले बताए ।

  Email this News   Viewers Comment    Print this News   Back to Home Page