ईयू प्रतिनिधि
चितवन जनवरी ७ ।

प्रधानमन्त्री माधबकुमार नेपाल माथि एकिकृत नेकपा माओवादीका कार्यकर्ताहरुले चितवनमा ढुङ्गा मुढा गरेका छन् । विभिन्न कार्यक्रममा सहभागि हुन चितवन आईपुग्नुभएका नेपाल माथि माओवादी कार्यकर्ताहरुले भरतपुर विमानस्थल अगाडी कालोझण्डा देखाउदै गाडी माथि ढुङ्गा समेत प्रहार गरेका थिए । माओवादी कार्यकर्ताहरुले हानेको ढुङ्गा प्रधानमन्त्री चढेको बा १ झ ७९०१ नम्मरको गाडीमा लागेको थियो । गाडिमा सामान्य क्षति पुगेको चितवन प्रहरीले जानकारी दिएको छ ।
माओवादी कार्यकर्ताले केहिबेर प्रधानमन्त्रीविरुद्ध चर्का नाराबाजी गर्दै कालोझन्डा प्रदर्शन गरेका थिए । शुक्रवार राजधानी फर्कने गरी चितवन आउनुभएका प्रधानमन्त्रीको सुरक्षाका लागि ७०० भन्दा बढी सुरक्षाकर्मी परिचालन गरिएको जिल्ला प्रशासन कार्यलय, चितवनले जनाएको छ । व्यापक सुरक्षाकर्मिका बीच बिमानस्थलबाट बाहिरिनुभएका प्रधानमन्त्री नेपाल माथि ढुङ्गा प्रहार गरेपछि माओवादी कार्यकर्ताहरुले प्रमुख जिल्ला अधिकारी महेश्वर न्यौपाने चढेको गाडी तथा नेकपा एमाले चितवनका अध्यक्ष कृष्ण खनाल, जागृतप्रसाद भेटवाल लगायतका नेताहरु चढेको गाडीमा समेत कालोझण्डा देखाउदै नारावाजी गरेका थिए ।

  Email this News   Viewers Comment    Print this News   Back to Home Page