भाषाकै नाम खसजुम्ली राख्नुपर्ने तिगेलाको जिकिर

नेपाली साहित्यको परिभाषामा सुधार तथा भाषाकै नाम खसजुम्ली राख्नुपर्ने तिगेलाको जिकिर
ईयुनेपाल प्रतिनिधि 
लन्डन बेलायत ,मे २४।
नेपाली साहित्यका अध्येयता विश्वास दीप तिगेलाले नेपाली साहित्यको परिभाषा र भाषाकै नाम परिवर्तन गर्नुपर्ने आवश्यकता रहेको विचार राखे ।
ग्लोबल नेटवर्कको भर्चुवल नियमित ५ औं श्रृंखला कन्फेरेन्समा गत २३ मे २०२० का दिन तिगेलाले प्रिजेन्टेशन गर्दै उक्त कुरा बताएका हुन । तिगेलाले भाषाको नाम नेपाली राखिनुले नेपालका अन्य भाषीहरुको मनोविज्ञानमा असर भएको र नेपाली पहिचान भएका भारत, भुटान र वर्माका नागरिकहरुमा भाषिक हिंसा भएको कुरा तथ्य सहित प्रस्तुत गर्दै समाधानको लागि भाषाको नाम नेपालीको सट्टा खसजुम्ली भन्नु उपयुक्त हुने आधार प्रस्तुत गरे साथै नेपाल भित्र बोलिने सबै मातृभाषाहरुको साहित्य संमग्रमा नेपाली साहित्य भनी परिभाषा गर्नुपर्ने पनि जिकिर गरे । त्यस्तैगरि विकल्पको रुपमा नेपाल भित्रका सबै भाषाहरुको साहित्य भनी जनाउन नेपालिय साहित्य भन्न सकिने पनि तर्क प्रस्तुत गरे ।
तिगेलाको प्रस्तुती पछि भाषाविद अमृत योन्जनले यो बेग्लै पाटोको विषय बहसमा आउनु नयाँ र महत्वपूर्ण भएको बताउनु भयो । प्राध्यापक बालकृष्ण माबोहाँङले अघोषित भाषिक समस्याको उठान हुनु आवश्यक रहेको बताउनु भयो । तिगेलाको प्रस्तुती माथि खुसि लिम्बु, प्रमोद श्रेष्ठ (युएई), अमित थेवे (युके), साङसेन पन्धाक, मुनाराज शेर्मा, मनोज घर्तिमगर, टेक बहादुर थापा, लिलासेलिङ माबो, डा. निमेश लम्साल, धनराज लिम्बु (साउदी), पदम चेन्जी लगायत डेड दर्जनले जिज्ञासा सहित प्रश्न र सुझाव दिएका थिए । कन्फिरेन्समा विभिन्न मुलुकबाट चार दर्जन सहभागी थिए ।
उठेका प्रश्नहरुको उत्तर दिदै आफ्नो दुई कार्यपत्रको सांरास प्रस्तुत गरेको र आफ्नो प्रकाशन्मुख पुस्तकमा समेटिने तिगेलाले बताए । अमेरिकाको म्यासच्युट युनिभर्सिटी मातहत डा. मारुहाँङ लिम्बुको संयोजनमा आयोजित कन्फिरेन्स करिब दुई घण्टा चलेको थियो ।
सम्बादको पुरा अंश तलको लिंकमा –

Be the first to comment

Leave a Reply

Your email address will not be published.


*