पोर्चुगलमा प्रहरीले पक्राउ गर्न नसकेका फरार अभियुक्त सापकोटालाई कसरी पक्राउ गरियो ?

वाईवि तमू 
लिस्बोंन पोर्चुगल  ,सेप्टेम्वर २०।

गत हप्ता राजधानी लिस्वनमा पर्वत घर भै बिगत लामो समय सम्म लिस्वन बस्दै आएका हरि बहादुर जिसी माथि चक्कु प्रहार गरि फरार भएका अभियुक्त अर्जुन  सापकोटा पक्राउ परेका छन् ।
करिव एक हप्ता पश्चात उनको कानूनी प्रक्रिया पुरा गरि हिजै मात्र दाह सस्कार गरिएको थियो ।
कसरि पक्राउ परे अर्जुन ?
हिजो करिव अपरान्ह २ :३० बजे स्वर्गीय हरि बहादुर जिसीको पार्थिव शरीरमा अन्तिम श्रदान्जली दिएर पोर्चुगलका धेरै नेपालीहरु लगायत उनका अफ़न्तहरु  शोक मनाउदै थिए । श्रदान्जली पश्चात करिव ४:३० बजे उनको अन्तिम दाहसस्कार सकियो । दाहसस्कार पश्चात सबै घर फर्कने क्रममा करिव ५ बजे तिर गैर आवासीय नेपाली संघ,पोर्चुगलका निवर्तमान अध्यक्ष  र बर्तमान उपाध्यक्षको मोबाईलमा फोन आयो ।फोनमा निज अर्जुन सापकोटा स्थानीय एक नेपाली रेस्टुरेण्ट ब्यबसायी संग  कुराकानी गर्दै गरेको खबर आयो । उक्त खबर दिने व्यक्ति अन्जु गजुरेल थिईन भने निज अर्जुन सापकोटा संग कुरा गर्दै गरेका अर्का सहयोगी थिए बिष्णु वस्ती ।
उक्त खबर पाउदा साथ् तुरुन्त पोर्तुगिज प्रहरी तथा अन्य नेपाली सामाजिकअभियन्ताहरुलाइ खबर गरियो ।उक्त सुचनाका आधारमा गैर आवासीय नेपाली संघ पोर्चुगलका उपाध्यक्ष कमल गुरुङ-आदिबासी जनजाति महासंघ पोर्चुगलका अध्यक्ष नरभूपाल राई लगायतअभियुक्त अर्जुन सापकोटा भएको स्थान पोखरा रेस्टुरेण्टमा करिव १५ मिनेट भित्र पुगेर निज अभियुक्तलाई पक्रन सफल भएका हुन् ।
पक्राउ पश्चात निज सापकोटालाई प्रहरीको जिम्मा लगाइएको छ ।
को हुन् अर्जुन सापकोटा ?
धादिङ्ग घर भएका अर्जुन सापकोटा पोर्चुगलमा नया हुन् । करिव १ वर्ष अगाडी पोर्चुगल आएका उनि बिगत केहि समय मृतक हरि बहादुर जिसी संगै काम गर्थे ।  संगै काम  गर्दा चिनजान तथा नजिक भएका थिए ।
छोटो समय काम गरेता पनि उनीहरु बीच नियमित सम्बद,भेटघाट हुने गर्थ्यो ।केहि समय पहिले मृतक हरि बहादुर जिसीका सहोदर भाई ओम बहादुर जिसीसंगै अर्जुन सापकोटाले काम गरेका थिए ।उनीहरु  बीचकाम कै बिषयमा आपसी बिबाद भएको कुरा ओम जिसी स्विकार्छन ।सापकोटा संग संगत गर्नेहरु उनि मानसिक रुपमा बिरामी थिए ।
जिसी माथि कसरि चक्कु प्रहार गरे ?
गत  १२ सेप्टेम्बर २०१७ का दिन राति करिव ११:३० बजे राजधानी लिस्वन स्थित कम्पो पिकेनो मेट्रो  स्टेशन नजिक बीच सडकमा जथाभावी चक्कु प्रहार गरेका सापकोटाले लक्षित हरीका भाई थिए तर भाइलाई चक्कु प्रहार गर्दा हरिबहादुर जिसीले रोक्न खोज्दा सापकोटा उनि माथि जाई लागेको कुरा निजका भाई ओम बहादुर जिसीले बताएका थिए ।जथाभावी चक्कु प्रहार गरि सापकोटा फरार भएका थिए ।
निज सापकोटालाई हरि बहादुर जिसीको मृत्युका बारेमा बेखबर रहेको कुरा सुचित व्यक्ति बिष्णु वस्तीसंगको कुराकानीमा बताएको कुरा वस्तीले जानकारी दिएका थिए
” यतिका दिन सम्म कहा बस्यो ,के खायो ?भन्ने वस्तीको प्रश्नमा ” कहिले मेट्रो स्टेशन त् कहिले सडक किनारामा सुतेको र मागेर खाने गरेको कुरा वस्ती संगको कुराकानीमा सापकोटाले बाएको कुरा वस्तीले जानकारी गराए ।
सानो कामको  बिबादका कारण उब्जेको क्रोधले दुवैको जीन्दगी वर्वाद भएको छ ।

फरार अभियुक्त सापकोटालाई  नियन्त्रण गर्न  सुचना दिएर सहयोग गर्ने अन्जु गजुरेल र बिष्णु वस्ती, आफ्नो ज्यानको प्रबाह नगरी निडरताका साथ भौतिक  रुपमा पक्राउ गर्न महत्वपूर्ण भूमिका       खेल्ने  साहसी र होनहार  नेपाली युवाहरू एनआर एन पोर्चुगलका नवनिर्बाचित  उपाध्यक्ष  कमल गुरुङ, आदिबासी जनजाति महासंघ अध्यक्ष नरभूपाल राई , राजकुमार गुरुङ, नारायण काजी मगर, मनिराम नेपाली थिए ।

कसरी पक्राउ परे अभियुक्त सापकोटा भिडियो लिंक तल –

Be the first to comment

Leave a Reply

Your email address will not be published.


*