कीर्ति राख्नेको इतिहासले मूल्याङ्कन र न्याय गर्नेछ – सभामुख घर्ती

Speaker Onsari Gharti Magar addressing a special programme organised to mark the 1st anniversary of Nepal's Constitution, in Kathmandu, on Sunday, September 18, 2016. Photo: RSS

Speaker Onsari Gharti Magar addressing a special programme organised to mark the 1st anniversary of Nepal’s Constitution, in Kathmandu, on Sunday, September 18, 2016. Photo: RSS
काठमाडौँ, ९ पुस । सभामुख ओनसरी घर्तीले देश र जनताको हितका पक्षमा कीर्ति राख्ने गरी काम गर्न संसद् सेवाका कर्मचारीलाई निर्देशन दिनुभएको छ ।

उमेर हदका कारण सेवानिवृत्त हुन लाग्नुभएका व्यवस्थापिका–संसद् सचिवालयका सचिव सोमबहादुर थापाको बिदाई कार्यक्रमलाई सम्बोधन गर्दै उहाँले मुलुक र जनताको हितमा काम गर्ने जो कसैको पनि इतिहासले मूल्याङ्कन गर्ने धारणा राख्नुभयो ।

व्यवस्थापिका–संसद् सचिवालयका महासचिव मनोहरप्रसाद भट्टराईले कामप्रति क्षमतावान र उच्च नैतिकवान कर्मचारीका रुपमा परिचय बनाउनुभएका सचिव थापाको सेवानिवृत्तिले सचिवालयको कामकाजमा असजिलो आउने र रिक्तता खड्किने धारणा राख्नुभयो ।

सेवानिवृत्त हुन लाग्नुभएका सचिव थापाले संसद् सेवाले आफूलाई परिपक्व, क्षमतावान र विज्ञका रुपमा स्थापित गराएको भनी आभार व्यक्त गर्नुभयो ।

विसं २०३९ चैत २७ गते सरकारी सेवामा प्रवेश गर्नुभएका थापा संसद् सचिवालयमा प्रशासन हेर्ने सचिवका रुपमा कार्यरत हुनुहुन्थ्यो । उहाँ २४ वर्षभन्दा बढी समयदेखि सार्वजनिक लेखा समितिको सचिव रहनुभएको थियो ।

उहाँका आर्थिक अनुशासन, पारदर्शी, सुशासन तथा संसद् सेवा सम्बन्धमा विभिन्न राष्ट्रिय दैनिकमा लेखसमेत प्रकाशित हुदै आएका छन् ।

सभामुख ओनसरी घर्ती, महासचिव भट्टराई र कर्मचारी युनियनका अध्यक्ष सुरेन्द्रकुमार महतले कदरपत्र प्रदान गर्दै सम्मान व्यक्त गर्नुभएको थियो । रासस

Be the first to comment

Leave a Reply

Your email address will not be published.


*